- اهلا اهلا بالعيد ... مرحب مرحب بالعيد هيييه هييه هييييييييه
= ايه دة هو العيد قرب ^_^
= اه دة خلاص بكرة
- الله دة انه واحد الصغير ولا الكبييييييييييير :D
= لا يا نور .. لا دة ولا دة 😂
- ازاى يا محمد احنا كمسلمين معندناش غير عيد الاضحى الكبير .. وعيد الفطر الصغير
= لا يانور .. فيه عيد تانى بيتكرر كل اسبوع .. اغلبنا بننساه وبننسى الخير الموجود فيه
- لا فهمنى
= يوم الجمعة يا نور الرسول حبيبنا عليه الصلاه والسلام قال عن الله عزوجل ان اليوم دة افضل يوم بتطلع فيه الشمس فى الاسبوع كله (خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ، فِيهِ خُلِقَ آدَمُ، وَفِيهِ أُدْخِلَ الْجَنَّةَ، وَفِيهِ أُخْرِجَ مِنْهَا، وَلاَ تَقُومُ السَّاعَةُ إِلاَّ فِي يَوْمِ الْجُمُعَةِ)[رواه مسلم]
,;وكمان ربنا عزوجل ذكره فى القران
فقال عز من قائل: "يَا أَيُّهَا الَّذِينَ آمَنُوا إِذَا نُودِيَ
لِلصَّلَاةِ مِنْ يَوْمِ الْجُمُعَةِ فَاسْعَوْا إِلَى ذِكْرِ اللَّهِ
وَذَرُوا الْبَيْعَ ذَلِكُمْ خَيْرٌ لَكُمْ إِنْ كُنْتُمْ تَعْلَمُونَ (9)
سورة الجمعة.
فاليوم دة هديه من ربنا لينا فى حاجااااات كتيييييييييير اوى جميله بتحصل ... كمان لما ندخل الجنه انا وانت هنشوف ربنا عزوجل فى اليوم دة <3
- الله شوقتنى وحببتنى فى اليوم يا محمد ، يلا احكيلى ايه اللى بيحصل فى اليوم دة
= اليوم دة فى وقت مفيش مسلم بيطلب من ربنا اى حاجة الا وبيستجيب
- اى حاجة اى حاجة :D
= ايوة طبعا يا نور اى حاجة
- وايه كمان
= وان الايام ما بين الجمعه والجمعه ربنا بيغفر كل الذنوب والحاجات الوحشه اللى عملتها بقصد او من غير قصد مادام استغفرته
- انا مبسوط اوى ازاى مكنتش باخد بالى من الحاجات دى
= ومش كدة بس .. احنا فى اليوم دة لازم نصحى بدرى ونغتسل ونلبس احلى لبس عندنا وننزل نصلى ونشوف كل حبايبنا فى المسجد ونطمن عليهم .. ونفرح بهديه ربنا لينا
- الله دة فعلا عيد ... انا هنتظره بفارغ الصبر يا محمد شكرا ليك بجد .. ممكن تكلمنى عنه تانى
= فى وقت تانى بقى عشان انا بجهز الهدوم اللى هصلى بيها ولسه هزين اوضتى بالبلالين والزينه اللى جبتها 😌😉
- اشوفك بكرة فى المسجد يا صاحبى <3
------------------------------
القصه حواريه من تاليفى .. ارجو من كل اب وام ان يوطد هذه العقيده فى طفله وتعظيم شعائر الله والارتباط بها ,وكل ام واب ادرى باسلوب سرد القصه لاولادهم اللى بيتشدوا ليه :D
العقائد الاخرى على بطلانها يقدسون ايامهم السبت والاحد ويبذلون بكل ما اوتوا من قوة فى ذرع تل العقيدة فى اطفالهم والله عزوجل يخبرنا
فعَنْ أَبي هريرة، قَال: قَال رَسُولُ اللهِ صلى الله عليه وسلم:أَضَلَّ
اللَّهُ عَنِ الْجُمُعَةِ مَنْ كَانَ قَبْلَنَا، فَكَانَ لِلْيَهُودِ
يَوْمُ السَّبْتِ، وَكَانَ لِلنَّصَارَى يَوْمُ الأَحَدِ، فَجَاءَ اللَّهُ
بِنَا، فَهَدَانَا اللَّهُ لِيَوْمِ الْجُمُعَةِ، فَجَعَلَ الْجُمُعَةَ،
وَالسَّبْتَ، والأَحَدَ، وَكَذَلِكَ هُمْ تَبَعٌ لَنَا يَوْمَ
الْقِيَامَةِ، نَحْنُ الآخِرُونَ مِنْ أَهْلِ الدُّنْيَا، وَالأَوَّلُونَ
يَوْمَ الْقِيَامَةِ، الْمَقْضِيُّ لَهُمْ قَبْلَ الْخَلاَئِقِ. أخرجه
مُسْلم.
فاتقوا الله فى اولادكم ما استطعتم ^_^ ...
جميلة اوي ربنا يبارك فيكي
ردحذفوفيك بارك 😊
حذفجميله اوي ياحبيبتي ربنا يبارك فيكي
ردحذفوفيكى بارك يارب ❤
حذفشكر الله لكِ ��
ردحذفجميله جداا جزاك الله خيراا
ردحذفجميلة جدا اللهم بارك
ردحذف